PSM Unpad Jadi Juara dina 54th International Competition of Choral Singing, Austria

[unpad.ac.id, 13/07/2017] Unit Kegiatan Mahasiswa Paduan Suara Mahasiswa (PSM) Universitas Padjadjaran hasil jadi juara kahiji widang  Folksong  jeung  juara kadua widang Choral Works dina “54th International Competition of Choral Singing” di Spittal an der Drau, Austria, 7-9 Juli 2017.

Tim UKM Paduan Suara Mahasiswa (PSM) Unpad nyangking juara kahiji widang Folksong jeung jura kadua widang Choral Works dina “54th International Competition of Choral Singing” di Spittal an der Drau, Austria, 7-9 Juli 2017.*

Dina éta kompetisi, PSM Unpad bareng jeung tim misi kabudayaan Indonésia Kirana 2017 kudu nyanghareupan salapan kelompok layeutan sora atawa paduan suara ti rupaning nagara, di antarana Bob Cole Chamber Choir ti Amérika Serikat, Akademski Pevski zbor Maribor ti Slovénia, Claritas Vocalis ti Jérman, jeung North-West University PUK-Choir ti Afrika Selatan. Kitu nu ditulis dina rilis nu katampi ku Humas Unpad.

Dina widang folksong, 45 urang anggota tim Indonesia Kirana 2017 ngahaleuangkeun lagu-lagu tradisional Indonesia, jiga Paris Barantai jeung Benggong karya komposer ngora Indonesia Ken Steven, sarta Soléram aransemén Josu Elberdin. Pintonan anu éndah  dibarengan ku igelan tradisional méh dina unggal lagu, hasil meruhkeun para juri jeung nu nongton nu aya di Schloss Porcia.

Sawatara éta dina widang choral works, tim mawakeun sawatara  lagu klasik jeung kontémporér  karya komposer kelas dunya, jiga Readymade Alice karya Pertu Haapanen jeung  Ave Maria karya Ivan Yohan. Nalika diumumkeun, juri ngajén tim PSM Unpad bisa némbongkeun sakabéh kamampuh téknisna.

Teu ngan saukur hasil ngaraéh juara kahiji jeung kadua, juri ogé ngalélér pangajén Best Interpretation of Brahms kana pintonan  ti PSM Unpad nalika mintonkeun lagu wajib Es Geht Ein Wehen.

“Gelar juara anu kudu disyukuran ku urang sadayana. Sadaya perjoangan méh genep bulan bisa dipintonkeun kalawan hadé dina panggung, nepi ka akhirna bisa bisa ngéléhkeun paduan suara Eropa,” kurang leuwih kitu nu ditepikeun ku Fernandes, ketua pelaksana misi kabudayaan Indonesia Kirana 2017.

Fernandes ngaku, perjoangan PSM Unpad dina nyangking juara téh lain perkara énteng. Dimimitian ku ketatna persaingan pikeun asup ka éta kompetisi nu ngatur ngan satim ti unggal nagara anu bisa milu dina éta kompetisi.

“Panatacalagara kompetisi kungsi meré kabar, réhna aya sawatara paduan suara ti Indonesia nu ngadaftar ka éta kompetisi. Mung, akhirna ngan hiji anu kapilih, nyaéta PSM Unpad. Tah éta téh minangka pamiangan awal nu mawa tim PSM Unpad jadi juara,” ceuk Fernandes.

Danget ieu, tim Indonesia Kirana 2017 geus ngajugjug ka Wina, Austria, pikeun latihan dina raraga konsér kabudayaan Pagelaran Indonesia Kirana, nu baris lumangsung pagéto. Konsér ieu dialpukahan ku rampak gawé PSM Unpad  jeung KBRI Austria ogéPerhimpunan Pelajar Indonesia (PPI). Dina éta konsér, baris dipintonkeun sawatara lagu tradisional Indonesia nu tujuanna pikeun ngawanohkeun budaya Indonesia ka mancanagara.*